Login
Go to Cart
Checkout
Please add products to your cart.
Please add products to your wishlist.
படித்தவர்கள் எழுதுகிறார்கள்...
‘உலகில் சிந்திக்கிற,எழுதுகிற,அறிவால் இயங்குகிற கைகள் அதற்கான மரியாதையைப் பெற்று விடுகின்றன’என்று எஸ்.ராமகிருஷ்ணன் எழுதியிருந்தது அவருக்கும் பொருந்தும்! -அ.குணசேகரன்,புவனகிரி.
குழந்தைகளோட கேள்விகளுக்கு தகுந்த பதில் சொல்ல தெரியலன்னாலும்,அவர்களோட கேள்வி ஞானத்தை நாம தடை செய்யக்கூடதுன்னு ‘முறிந்த கேள்விகள்!’ கட்டுரையைப் படிச்சு தெரிஞ்சுக்கிட்டேன்.ரொம்ப தேங்ஸ்! -சிவசங்கரி,புதுப்பேட்டை.
‘குழந்தைகளின் சகோதர உணர்வுகளுக்கு வேலி இடுவதால் மட்டும் அவற்றை உருக்குலைத்துவிட முடியாது’என்பதை ஆணித்தரமாக எடுத்துரைத்த ‘எதற்காக இந்த முள்வேலி?’என்ற பகுதி,இன்றைய சமுதாயத்தின் அவலங்களை எடுத்துரைத்தது சிறப்பு.எஸ்.ரா-வுக்கு வாழ்த்துகள்!
பள்ளிப் பிள்ளைகள் பாடம் படிப்பது இருக்கட்டும்...பள்ளி நடத்துபவர்கள் ஒழுங்காக பாடம் கற்றுக்கொண்டால்தான் அறிவுக்கண் திறக்கும் கோயிலாக பள்ளிகளை மாற்ற முடியும்.பள்ளி நிர்வாகிகள்-பெற்றோர்-ஆசிரியர்கள்-மாணவர்கள் என்ற உறவு நிலையை ‘கல்வி கடைகள்!’என்ற அத்தியாயம் தெளிவாக எடுத்துச் சொல்லி உணர வைத்தது. -பி.பரமசிவம்,தேனி.
எஸ்.ராமகிருஷ்ணன் நேர்த்தியான எழுத்துகளால் சுடர்விட்டுப் பிரகாசித்த ‘சிறிது வெளிச்சம்’ என்னை போன்றவர்களின் மனதில் அறியாமை என்ற இருளை அகற்றி வெளிச்சம் பூசி நிற்கிறது! -பா.செளந்திர பாண்டி,மதுரை-1
